प्रस्ताबहरु

१. नर्बेका बिकास मन्त्रि लगायत अन्य आगन्तुकलाई स्वागत गर्ने सम्बन्धमा |

२. सहयोग माग गर्ने सम्बन्धमा |

३. अपर तामाकोशी  हाइड्रोपावरको ड्याम्प साइडबाट लप्ची जाने बाटो निर्माण सम्बन्धमा |

४. अपर तामाकोशी जलबिद्युत आयोजनाको शयर वितरण सम्बन्धमा |

५. कार्यविधि सम्बन्धमा |

६. पेश्की रकम सम्बन्धमा |

निर्णयहरु

निर्णय नं. १ :  प्रस्ताव नं. १ उपर छलफल गर्दा यस बिगु गाउँपालिकाको वडा नं. ५ चिलंखामा पर्ने देविटार आधारभूत विद्यालयको उद्घाटन नर्वेका बिकास मन्त्रिले गर्ने  भएकोले सो कार्यक्रमलाई प्रभावकारी बनाई आगन्तुक सबैलाई स्वागत गर्ने निर्णय गरियो |

निर्णय नं. २ :  प्रस्ताव नं. २ उपर छलफल गर्दा यस बिगु गाउँपालिका भित्र रहेका विभिन्न  सडक, पूल पुलेसा  आदिको निर्माण गरी  सहयोग गरिदिनु हुन नर्बे देश  र त्यहाँका बिकास मन्त्रिलाई अनुरोध गर्ने निर्णय गरियो |

निर्णय नं. ३ :  प्रस्ताव नं. ३ उपर छलफल गर्दा अपर तामाकोशी जलबिद्युत आयोजनाको ड्याम्प साइडबाट लप्ची जाने बाटो निर्माण गरी सहयोग  गरिदिनु हुन अपर तामाकोशी जलविद्युत  आयोजनालाई  अनुरोध गर्ने निर्णय गरियो |

निर्णय नं. ४ :  प्रस्ताव नं. ४ उपर छलफल गर्दा  यस बिगु गाउँपालिका वडा नं. १ मा निर्माणाधीन अपर तामाकोशी  जलबिद्युत आयोजनाको शेयर निस्कासन गर्दा  ‘क’, ‘ख’, र ‘ग’ बर्गमा  विभाजन गरी शेयर निस्कासन गर्ने देखिएकोले एउटै गाउँपालिका भित्रका विभिन्न वडालाई ‘क’, ‘ख’, र ‘ग’ बर्गमा  विभाजन नगरी यस गाउँपालिका भित्रका सबै वडालाई ‘क’ बर्गमा राखी शेयर निस्कासन गर्न अनुरोध गर्ने निर्णय गरियो |

निर्णय नं. ५ :  प्रस्ताव नं. ५ उपर छलफल गर्दा “कक्षा ८ को आधारभूत तह उत्तीर्ण परीक्षा कार्यविधि / निर्देशिका – २०७४ ” पारित गर्ने निर्णय गरियो |

निर्णय नं. ६ :  प्रस्ताव नं. ६ उपर छलफल गर्दा  यस गाउँपालिका भित्र संचालन गरिने योजनाहरुको लागत अनुमान रकम ५ लाख भन्दा माथिको योजनालाई संचालन गर्न पेश्की रकम नियमानुसार दिने निर्णय गरियो |